Dedicata ai soldati italiani di tutte le guerre caduti per l’onore d’Italia. Partette ‘nu surdato ‘na matina ……
Pure tant’anne fa’ nascette ‘o sole:
era d’estate for “a sta marina.
Surdate ‘e mare,terra e d’aviazione
venettero p’’a strada d’’a Stazione.
Appriesso a lloro mamme currevano,
*** sore, mugliere e nnammurate,
tutte chiagnevano.
Sunavano ‘e ssirene dint’ o puorto
d’’e nnave ca partevano p’a guerra:
turpediniere, caccia, ‘ncruciature,
e quante abbraccie, lacreme, preghiere.
Ognuno era pronto p’a partenza,
fumava ‘na milit o popolare,
guardava miez’ ‘o mare.
Pensava “VINCEREMO !”
“Avanti!”, dicette ‘o cumannante:
nisciuno se fermaie.
Pe‘ radio se cantava “Tornerai”.
Era ‘na festa ‘ncoppa ‘a ‘sta banchina;
partette ‘nu surdato ‘na matina ……… Mo’ state tutte quante sotto terra,
EL ALAMEIN è ‘o nomme ca ve coce,
ce stà nu sacrario e’ ncoppa ‘na bandiera
mmiez’ ‘o deserto ca ve dette ‘a croce.
Ma site sempre vive dint’ o core,
chi v’aspettava nun ve po scurdà,
Guagliune ca teniveve vint’anne:
site guagliune pe’ l’eternità !
Partette ‘nu surdato ‘na matina, chillu surdato era papà !